News & Updates

MWANZA Tume ya Madini imejipanga kuimarisha usimamizi wa ushirikishwaji wa Watanzania katika Sekta ya Madini kwa kuhakikisha watoa huduma na wazalishaji wa bidhaa wanakidhi vigezo na viwango vya ubora vinavyohitajika, hatua inayolenga kuongeza mchango wa sekta hiyo katika ukuaji wa uchumi wa nchi. Hayo yamesemwa leo, Julai 23, 2026, jijini Mwanza na Mwenyekiti wa Kamati ya Ushirikishwaji wa Watanzania katika Sekta ya Madini, Dkt. Theresia Numbi, kwenye Jukwaa la Tano la Utekelezaji wa Ushirikishwaji wa Watanzania katika Sekta ya Madini (LCCF 2026), linalowakutanisha wadau mbalimbali wa sekta hiyo. Dkt. Numbi amesema Tume itaendelea kuboresha usimamizi wa eneo la ushirikishwaji wa Watanzania ili kuhakikisha wananchi wanapata fursa zaidi za kushiriki katika shughuli za uchimbaji wa madini, utoaji wa huduma, uzalishaji wa bidhaa na maeneo mengine ya mnyororo wa thamani wa Sekta ya Madini. Akielezea uzoefu wa Ghana katika usimamizi wa ushirikishwaji wa wazawa, Dkt. Numbi amesema nchi hiyo imeweka mfumo madhubuti unaowataka waombaji wa fursa katika Sekta ya Madini kuwasilisha mipango ya ushirikishwaji wa wazawa, kulipa ada maalum na kurejesha sehemu ya fedha kwa Serikali kila mwisho wa mwaka. Amesema mfumo huo pia unahakikisha watoa huduma wanakidhi vigezo vya kitaalamu na kuwa na uwezo unaohitajika kabla ya kupewa fursa ya kutoa huduma katika migodi ya madini. Dkt. Numbi amewataka watoa huduma katika Sekta ya Madini kuhakikisha wanakidhi vigezo vinavyohitajika katika utoaji wa huduma na bidhaa migodini, sambamba na kuhakikisha bidhaa na huduma hizo zina ubora unaokidhi viwango vya juu. “Ni muhimu kwa watoa huduma kuhakikisha wanakidhi vigezo vinavyohitajika na kutoa bidhaa na huduma zenye ubora unaokidhi viwango vya juu, kwa kuwa ubora ni msingi wa ushindani na uendelevu wa biashara katika Sekta ya Madini,” amesema Dkt. Numbi. Aidha, amewataka Watanzania wanaoshiriki katika utoaji wa huduma na uzalishaji wa bidhaa kwa ajili ya migodi kuendelea kuimarisha uwezo wao, kuzingatia viwango vya ubora na kutumia teknolojia ili kuongeza ushindani na kunufaika zaidi na fursa zinazotokana na Sekta ya Madini. Jukwaa hilo, ambalo leo limefikia siku yake ya pili, linaendelea kujadili masuala mbalimbali yanayolenga kuimarisha ushiriki wa Watanzania katika Sekta ya Madini, likiwemo suala la ushirikishwaji wa Watanzania katika Mgodi wa Dhahabu wa Geita (GGML), uzoefu bora kutoka kwa kampuni za Kitanzania zilizofanikiwa katika utekelezaji wa dhana ya ushirikishwaji wa Watanzania, pamoja na umuhimu wa kuzalisha rasilimaliwatu wenye ujuzi unaoendana na ukuaji wa teknolojia mpya katika Sekta ya Madini. Vilevile, mdahalo maalum unajadili ajira, mafunzo na uhawilishaji wa teknolojia kama kichocheo cha kuongeza ushiriki na ujumuishaji wa Watanzania katika Sekta ya Madini, sambamba na utekelezaji wa mipango ya urithishaji wa nafasi za kazi, changamoto zinazojitokeza na hatua zinazopaswa kuchukuliwa. Jukwaa la LCCF 2026 limewakutanisha wadau mbalimbali wa Sekta ya Madini, wakiwemo makampuni ya uchimbaji wa madini, watoa huduma migodini, wafanyabiashara wa madini, wawekezaji, taasisi za umma na binafsi, pamoja na vyama vya wachimbaji wa madini nchini. Jukwaa hilo linafanyika chini ya kaulimbiu: “Kutoka Majadiliano hadi Utekelezaji: Kujenga Sekta Imara ya Madini kupitia Ushirikishwaji wa Watanzania na Uanzishwaji wa Viwanda.”

Mwenyekiti wa Kamati ya Ushirikishwaji wa Watanzania katika Sekta ya Madini kutoka Tume ya Madini, Dkt. Theresia Numbi, amesema Jukwaa la Tano la Utekelezaji wa Ushirikishwaji wa Watanzania katika Sekta ya Madini (LCCF 2026) ni jukwaa muhimu la kuwawezesha Watanzania kuongeza ushiriki wao katika uchumi wa madini kwa kuwajengea uelewa kuhusu fursa, sheria na taratibu za utoaji wa bidhaa na huduma migodini. Dkt. Numbi ameyasema hayo leo, Julai 21, 2026, alipokuwa akizungumza mubashara kupitia kipindi cha Tuongee Asubuhi kinachorushwa na Kituo cha Televisheni cha Star TV, akiwa ameambatana na Mkurugenzi wa Ukaguzi na Biashara ya Madini, CPA Venance Kasiki. Amesema LCCF 2026 inatoa nafasi kwa wadau kujifunza, kujenga mitandao na kuchangamkia fursa zinazopatikana katika sekta ya madini, hususan katika eneo la ushirikishwaji wa Watanzania katika mnyororo wa thamani wa sekta hiyo. Dkt. Numbi amesema utekelezaji wa sera ya ushirikishwaji wa Watanzania ni muhimu katika kuhakikisha wazawa wanashiriki kikamilifu katika shughuli za kiuchumi zinazotokana na sekta ya madini, huku akibainisha kuwa tathmini ya utekelezaji wake ni takwa la kisheria linalofanyika kila baada ya miezi mitatu. Amesema tathmini hiyo inalenga kuhakikisha sheria, kanuni na miongozo inazingatiwa, pamoja na kuongeza ushiriki wa Watanzania katika mnyororo wa thamani wa sekta ya madini. Kwa mujibu wa Dkt. Numbi, Tume ya Madini inaendelea kutoa huduma kwa wananchi kupitia mikoa yote 30 ya kimadini nchini, ikiwemo kutoa elimu na ushauri pamoja na kusimamia utekelezaji wa sheria na taratibu zinazohusu utoaji wa bidhaa na huduma migodini. Amewataka watoa huduma wanaotarajia kufanya kazi na migodi kuhakikisha wanafahamu na kuzingatia sheria, kanuni na taratibu za Tume ya Madini ili waweze kushiriki kikamilifu katika fursa zinazotokana na sekta hiyo. Kwa upande wake, CPA Kasiki amesema kumekuwa na mwamko mkubwa miongoni mwa Watanzania wa kuchangamkia fursa zinazopatikana katika sekta ya madini, akibainisha kuwa kwa sasa kuna takribani aina 20 za bidhaa na huduma zinazotolewa na wazawa kupitia mpango wa ushirikishwaji wa Watanzania. Amesema zaidi ya kampuni 20 tayari zimewasilisha maombi ya kuanzisha huduma kwa ajili ya kuhudumia shughuli za migodi katika eneo la Buzwagi, hatua aliyoieleza kuwa ni ishakuongezeka kwa ushiriki wa Watanzania katika utoaji wa bidhaa na huduma katika sekta ya madini. LCCF 2026, inayofanyika kuanzia Julai 22 hadi 24, 2026 katika Ukumbi wa Malaika Beach Resort jijini Mwanza, inatarajiwa kuwaunganisha wadau mbalimbali wa sekta ya madini chini ya ugeni rasmi wa Waziri wa Madini, Mheshimiwa Anthony P. Mavunde (Mb.). Jukwaa hilo linaloandaliwa na Tume ya Madini linatarajiwa kuwakutanisha kampuni za uchimbaji wa madini, watoa huduma migodini, wafanyabiashara wa madini, wawekezaji, taasisi za umma na binafsi pamoja na wananchi kwa lengo la kujadili namna bora ya kuongeza ushiriki wa Watanzania katika shughuli za kiuchumi zinazotokana na sekta hiyo. Washiriki watapata fursa ya kujifunza kupitia mawasilisho ya kitaalamu, midahalo, mafunzo na maonesho yatakayowawezesha kuongeza uelewa kuhusu utekelezaji wa sera ya ushirikishwaji wa Watanzania na kunufaika na fursa mbalimbali za biashara na uwekezaji zinazopatikana katika sekta ya madini. Aidha, jukwaa hilo litatoa nafasi kwa wadau kujenga mitandao ya kibiashara, kubadilishana uzoefu, kuanzisha ushirikiano wa kimkakati na kujadili mbinu za kuongeza ushiriki wa wazawa katika mnyororo mzima wa thamani wa sekta ya madini. Shughuli za jukwaa zitafanyika kwa siku tatu mfululizo kuanzia saa 2:00 kamili asubuhi kila siku. Tume ya Madini imewahimiza wadau wa sekta ya madini na wananchi kwa ujumla kushiriki katika LCCF 2026 ili kupata uelewa mpana wa fursa zilizopo na namna ya kushiriki kikamilifu katika mnyororo wa thamani wa sekta hiyo. Jukwaa hilo limeendelea kuwa miongoni mwa majukwaa muhimu nchini yanayochochea ushirikishwaji wa Watanzania katika mnyororo wa thamani wa sekta ya madini, kukuza biashara na uwekezaji, pamoja na kuongeza mchango wa sekta hiyo katika ukuaji wa uchumi wa taifa.

The 5th Local Content Compliance Forum (LCCF 2026) is a strategic platform for advancing local participation, strengthening partnerships and unlocking sustainable business opportunities within Tanzania’s mining sector. Through this Forum, we aim to bring together Government institutions, mining companies, local suppliers, financial institutions, development partners and investors to exchange knowledge, showcase innovation and identify practical solutions that will enhance local content compliance and create lasting economic value for Tanzanians. I therefore warmly invite all stakeholders to join us in Mwanza from 22 to 24 July 2026 to learn, connect and grow their businesses while contributing to the sustainable development of our mining industry.”

📍 Venue: Malaika Beach Resort, Mwanza 📅 Dates: 22–24 July 2026 🕗 Time: From 8:00 a.m. each day LCCF 2026 will bring together Government institutions, mining companies, local suppliers and industry experts for three days of insightful presentations, panel discussions, technical sessions and exhibitions. The Forum provides an excellent opportunity to: * Gain valuable insights into local content implementation in the mining sector. * Network with key industry stakeholders and decision makers. * Explore new business, investment and partnership opportunities. * Learn about the latest developments, policies and best practices shaping Tanzania’s mining industry. Register today at lcforum.tumemadini.go.tz. For further information: 📧 localcontent@tumemadini.go.tz 📞 +255 763 714 026 We look forward to welcoming you to Mwanza for LCCF 2026. Together, let’s strengthen local participation and unlock greater opportunities in Tanzania’s mining sector.